Paper for – First Symposium of International Studies in France

.

தமிழ்  மெய்நிகர்  இதழாய்வு குழும மெய்நிகர் தமிழாராய்ச்சி – உடைத்தெறியப்படும் இடர்பாடுகள் – அயலானின் தமிழாய்வகம் 

(Tamil Virtual Journal Club – Transferring Tamil Research to Virtual Stream – Challenges and Benefits) 

.

Title under the criteria: Modern trends in Tamil Prose and Poetry 

.

தமிழ் இலக்கியம் மிகவும் பழமை வாய்த்தது. உண்மையில் சொல்வதென்றால் பண்டைய தமிழிலக்கியம் எனப்படுவது மனித இனத்தின் பரிணாம வளச்சிப்பாதையின் முக்கியமான சுவடு.

பல்லாயிரம் ஆண்டுகள் பழமையான ஆதி மனித சிந்தனையின் கூர் வடிவமே சங்க இலக்கியங்களாக இன்றுள்ளன. பல்வேறு காரணிகளுக்காக தமிழ் இலக்கிய ஆய்வினை ஒரு வகையான அமைப்பினுள் இடர்படுத்தி கடந்த தலைமுறை மொழியியல் அறிஞர்கள் கட்டமைத்தனர். அவர்களின் காலம் அவ்வாறு செய்வதனை ஊக்கப்படுத்தியது. கணிப்பொறி, மெய்நிகர் உரையாடல் 110 நாடுகளில் தமிழர்கள் வாழ்வது போன்ற 21ஆம் நூற்றாண்டு தமிழின் தேடலுக்கு இந்த ஆய்வுமுறை இடர்பாடாகவே உள்ளது. யாரும் எங்கிருந்தும் தமிழ் இலக்கிய ஆய்வினை மேற்கொள்ள முடியும் என்று நிறுவ முயன்று  வெற்றி கண்டுள்ளது அயலானின் தமிழாய்வகம். 

எளிமையான திட்டமிடல், முந்தைய தலைமுறை உருவாக்கிய அமைப்பை சுக்கு நூறாக உடைத்தெறியும் தெளிவு அயலானின் தமிழாய்வகத்தின் எரிபொருளாக அமைந்தது. அவற்றுள் சில, (1) ஆய்வுக்  குழுவிற்கு தலைவர் என்று யாரும் கிடையாது, (2) அறிஞர்களால் கூறப்படும் கருத்துக்கள் அனைத்தும் காணொளி வடிவத்தில் ஆவணப்படுத்தப்படும், (3) யார் வந்தாலும் வராவிட்டாலும் நிகழ்வு தெளிவான நீரோடையாக ஓடும், (4) இவரவர் மட்டுமே  ஆய்வில் வர வேண்டும் என்கிற கட்டமைப்பு கிடையாது, (5) கறுத்தற்று பேசுவது, அரசியல் பேசுவது தடை செய்யப்படும். (6) தன்னை முன்னிலைப்படுத்த  விரும்பும் குணவியல் உடைத்து நொறுக்கப்படும்.

மேலுள்ள அமைப்பினை காணுகையில், தமிழ் இலக்கிய ஆய்வில் இம்முறை வெற்றி தருமா ? என்கிற பெரும் கேள்வி அனைவருக்குள்ளும் எழும், ஆனால் தமிழ் மொழியை வடிவமைத்த மூத்தோரின் அன்புகலந்த உண்மைமிகு தமிழ்ப்பற்று அயலானின் தமிழ் ஆய்வகத்தை இயக்குகிறது.

மார்ச் மாதம் 2020 காலத்தில் துவங்கப்பட்ட மெய்நிகர் குழுமம் இதுவரை (நவம்பர் 26, 2020) 208 தொடர் அமர்வுகள் மூலமாக, தமிழ் இலக்கியத்தை பாடல் பாடலாக, வரி வரியாக, சொல் சொல்லாக ஆய்வு செய்து இதுவரையில் 246 மணி நேர ஆய்வுகளை உருவாக்கியுள்ளது. இதுவே தமிழ் மொழி வரலாற்றில் மீமிகப்பெரிய காணொளி வடிவ இலக்கிய ஆய்வுக் கோப்பாக உள்ளது. பின்னாளில் இவை பல்லாயிரம் பகுதிகலாக YouTube  தளத்தில் இருத்தப்படும். 

Big  Data  Tamil  என்கிற இணயதளம் மூலமாக இவ்வாறான  ஆய்வுகளை முழுதும் பெண்களைக் கொண்டும், மாணவர்களைக் கொண்டும் , ஆங்கில மொழி மற்றும் பிற மொழிகளிலும் இந்த குழுமம் எதிர் வாரும் காலத்தில் மேற்கொள்ளும். 

எந்த செலவும் இல்லாமல், உலகில் வாழும் 110 நாடுகளில் பரவியுள்ள  10 கோடி தமிழர்களையும் ஒரு சொடுக்கில் குவிக்க  முடியும். காலத்தை மீறி பயணிக்கும் தமிழ் தனக்கு தேவையானதை தனக்கு தேவையான நேரத்தில் தனக்காக தானே செதுக்கிக் கொள்ளும் வல்லமை படைத்தது.